Linguas clásicas e medicamentos: Blastoestimulina e Thrombocid

De acordo con este artigo, os nomes dos medicamentos teñen que ser curtos e fáciles de pronunciar en distintos idiomas, requisito que non se cumpre no primeiro dos casos dos que vos vou falar.

- Blastoestimulina. Pomada que axuda na cicatrización de feridas, mesmo en casos de infección. (Ler máis)
En canto á súa etimoloxía, podemos distinguir varios elementos na palabra. O sufixo final "-ina" non aporta significado algún, senón que é un afixo empregado moi comunmente neste ámbito e os outros compoñentes son:

• Tomando o significado primitivo, temos que: "blasto-" significa xerme e o sufixo "-estimul-" ven do latín "stimulus", que significa aguillón. Así que, estaríasenos a dicir que a blastoestimulina mata os xermes da ferida.

• Pero o significado destas raíces evolucionou lixeiramente, polo que tamén temos que:  "blasto-" [do gr. βλαστός «xerme»] quere dicir célula inmadura (significado adoptado recientemente no mundo da mediciña) e "-estimul-" (estímulo/ estimular) axente que provoca unha reacción funcional nun organismo. Polo tanto, este fármaco potenciaría a formación por parte do propio organismo de novas células para rexenerar a zona afectada. 

Outras palabras ca raíz "blasto": mieloblasto, linfoblasto e normoblasto.

Outras palabras ca raíz "estimul": estimulante, estimulador e estimular.

http://goo.gl/njl2kB

- Thrombocid. Pomada de uso cutáneo que favorece o fluxo sanguíneo e deste xeito evita a formación de trombos. (Ler máis)

Podemos distinguir dous elementos:

•  -"Thrombo" [thromb(o)- θρόμβος gr. 'coágulo']. Alude claramente á patoloxía que trata, e móstrase moi respectuoso na transcrición do grego o que lle da unha apariencia máis científica á palabra.
•  - "Cid". Provén dun sufixo moi presente na nosa lingua: "-cidio", que significa morte.  

Deste xeito, se unimos todo, quédanos que se trata dun medicamento cuxa finalidade é eliminar os trombos.
Outras palabras ca raíz "thromb(o)": trombocito, tromboflebitis  e trombocitopenia.
Outras palabras ca raíz "cidio": magnicidio, suicidio e xenocidio.

http://goo.gl/xVUquq

O Thrombocid forte contén unha cantidade maior do principio activo.

Antón Rodríguez Otero: @Anton_Roguez 

Linguas clásicas e medicamentos: Epiduo e Spasmoctyl

Epiduo

Neste caso estudaremos o Epiduo. Este medicamento, comercializado por laboratorios Galderma, é un xel que se aplica directamente sobre a pel, (EPIderme) para combatir os efectos do acné, granos e dalgunhas picaduras de insectos. De aquí ven a primeira raíz da palabra: epi gr., ep(í), ἐπί, 'sobre', é dicir, "sobre a pel", o que fai clara referencia á sua aplicación. Aparece en palabras tales como epiderme, epidural, epidemia, etc. O que non está tan claro é a orixe etimolóxica da segunda raíz. Tras moito investigar, a razón máis coherente que encontrei foi a seguinte. 'Du' do latín 'duo' significa 'dous'. Quizais esto aluda a que a crema actúa como unha segunda pel, corrixindo os defectos da orixinal, transformándose na capa mais externa da derme.

Spasmoctyl

Agora vamos co Spasmoctyl. Este medicamento é un antiespasmódico, é dicir, que suprime o espasmo ou calambre dun determinado músculo, cousa que pode chegar a ser moi dolorosa e problemática dependendo do músculo ao que afecte. Adminístrase en pastillas e se usa para:

• Espasmo gastrointestinal (espasmo do tracto biliar, ureteral e cólicas renal, dismenorréia). 
• Tratar o síndrome do colon irritable. 
• Auxiliar na radiografía gastrointestinal e úlcera péptica.
• Etcétera.

Agora vamos co que nos incumbe aquí, que é o latín.

"Spasmoctyl" divídese en Spasmo/ctyl:

1. "Spasmo", do grego, spasm(o)-, σπασμός, que significa'contracción', 'espasmo'. Esta raíz encontrámola en palabras tales como espasmo, espástico, espasmódicto, etc.
2. "Ctyl". Pódese deber á composición do medicamento, o cal está formado maiormente por Otilonio (Octilonium), pero nese caso a desinencia sería "Ctil". Por qué se elixe cambiar o i latino polo i grego? Eu creo que é porque a todo o relacionado coa mediciña quédalle moi ben ese toque latino, algo que se consegue tan facilmente como cambiando esas dúas letras.

Spasmoctyl en grajeas 40 mg

Follow me! @AndreSisoOne

Linguas clásicas e medicamentos: Dogmatil e Amignul

Moitas veces, pasar moito tempo procurando nun dicionario etimolóxico para dar nome a un medicamento pode producir cefaleas, vértigos, dores de cabeza, etc. Podemos encontrar multitude de medicamentos que axudan a tratar estes síntomas, entre os cales se atopan o Dogmatil  e o Amignul.

O primeiro destes pertence ao grupo de medicamentos antipsicóticos ou neurolépticos e é receitado para tratar neurosis, depresións, transtornos psicolóxicos e vértigos. O principio activo é a sulpirida  e o produto preséntase en cápsulas que conteñen 50 mg deste composto.

En canto á súa etimoloxía, podemos observar claramente a raíz: dogma, prodecente do grego δόγμα, "pensamento, doctrina, opinión ou principio". Desta raíz derivan así mesmo palabras coma ortodoxo ou paradoxo. Ao sufixo restante, -til, podémoslle atribuír o significado de "posibilidade", coma en fértil (fer (lat. ferre "levar") + -til). Así, unha terra fértil é a que pode levar ou proporcionar alimento. Este sufixo tamén aparece en palabras coma dócil, fráxil ou fútil. Polo tanto, trátase dunha menciña que pode devolver o pensamento a quen a enxira. Este significado etimolóxico está fortemente ligado ao tratamento de problemas psicolóxicos.

Por outra parte, Amignul é un fármaco utilizado para aliviar as dores producidas polas migrañas. O principio activo é o almotriptán, posuíndo cada un dos comprimidos 12,5 mg deste.

Fotos do autor

A etimoloxía deste medicamento é máis complexa e está formada por máis elementos. En primeiro lugar, encontramos o prefixo a-, de orixe grega, que indica unha negación. Despois, -mign-, procedente de migraña ou realmente de migraine, a versión inglesa e francesa. Así, explícase a presenza do ene  Finalmente, o resto da palabra, -ul, podería proceder do sufixo formador de diminutivos -ulo/-ula, de orixe latino. Este sufixo forma palabras coma maiúscula, molécula ou músculo. Noutras linguas, coma o inglés ou o francés (ej: majuscule), este sufixo perde a vogal final, o que explicaría a ausencia desta. Así, estariamos a falar dunha menciña que acaba cas dores de cabeza ou que as devén insignificantes. 

Linguas clásicas e medicamentos: Luminaletas

O medicamento Luminaletas é un fármaco comercializado polos laboratorios KERN PHARMA. Utilzáse para o tratamento da enfermidade chamada epilepsia. A aparición das chamadas crises epilépticas que produce fortes convulsións e inconsciencia pode darse debido a diferentes estímulos como a luz, ruído, tacto.

Da palabra do latín lumen formáronse no español palabras como: iluminar, luminoso ( formada polo sufixo- oso que indica abundancia), vislumbrar (vix= apenas) e lumbre ( o cambio do sufixo- men "lumen" a -mbre , e moi común.

Agora imos tratar  etimoloxicamente este fármaco que axuda a persoas e animais a non ter convulsións.

Lumina-: Provén do latín "lumen" e o seu signifado e luz. Os científicos puxéronlle este prefixo debido a que a luz é o principal artifice dos ataques.

-Etas: Sufixo diminutivo posiblemente procedente do latín. Por exemplo: Lingüeta (lingua pequena)

A modo de curiosidade, Calígula padeceu epilepsia cando era xoven. O emperador vivía co profundo medo de sufrir un ataque asociado a súa enfermidade a pesar de que aprender a nadar era parte da educación imperial o emperador non o fixo pois os epilépticos poden sufrir ataques pola luz que reflexa o auga.

http://www.kernpharma.com/productos/

Linguas clásicas e medicamentos: Condrosulf e Lexxema

CONDROSULF

Medicamento consistente en cápsulas duras para o tratamento sintomático da artrose.
A etimoloxía deste medicamento ven de:
-Khondros: raíz grega que significa cartilaxe. Esta raíz tamén podemos atopala en palabras como: mitocondria e hipocondríaco.
-Sulf: abreviación de sulfato, xa que entre a composición do medicamento atópase o condroitín sulfato.
Grazas a súa etimoloxía deducín que o medicamento contén o condroitín sulfato porque este está presente nas cartilaxes, entón como ese sulfato se vai esgotando e o precisas, tes que tomar este medicamento para telo.

LEXXEMA

É unha pomada que diminúe a inflamación e as reaccións alérxicas da pel, e as reaccións que se asocian a unha multipicación excesiva das células da pel. Polo tanto, diminúe o arrubiamento, a acumulación de líquidos e o exsudado na pel inflamada. Tamén alivia a comechón, a ardentía ou a dor.
Aínda que así, a primeira vista poidamos pensar que este medicamento ten algo que ver coa palabra lexema, debemos ir máis ala e atopar a palabra que se encontra agochada no interior, que é eccema(palabra que procede do grego e que significa erupción cutánea).
Con isto xa temos relacionado o nome do medicamento coa sua aplicación, xa que todo xira arredor da palabra pel.

Linguas clásicas e medicamentos: Otogen.

Otogen son unhas gotas pra os oídos utilizada para o tratamento da enfermidade da otitis (inflamacion do oído que pode se externa ou interna).

Agora imos tratar do nome deste fármaco etimolóxicamente:

Oto-: [ōt(o)- οὔς/ὠτός griego. 'oído, oreja' Tomado do grego que nos deu palabras como: Otoloxía;otitis, otorrinolaringólogo (médico especialista nos oídos nariz e larinxe), otoscopia (instrumento para observar o oído).
-Gen: No latín encóntrase "gignere", "genui" "engendrar", "gnasci" versión arcaica de "nasci","nacer". Isto pode ser debido a que estas gotas aplícanse no nacemento do oído.

http://www.ern.es/productos/otogen-calmante/

Linguas clásicas medicamentos: Atarax, Hemicraneal e Torecán

Atarax

Medicamento que pertence á compañía UCB pharma. UCB é unha compañía multinacional farmacéutica con sede en Bruselas (Bélxica).É famosa pola creación de moitos medicamemtos de uso case diario como por exemplo cremas para peles atópicas e outros remedios para problemas sobre todo alérxicos e debido a que cada tres anos dan un premio internacional da neurociencia.

O seu nome procede da palabra ataraxia que ven do grego ataraxía que é unha palabra composta que significa a= sin + taraji= perturbación, axitación polo que a palabra completa significa tranquilidade ( sen axitación), un nome moi apropiado para un medicamento que se emprega para tratar ansiedade, o prurito e a urticaria . Ademais ten un nome propio dos medicamentos por conter "x".

Hemicraneal

Medicamento empregado contra as migrañas. Pertence á familia farmacolóxica de Novartis, que ten a sua sede en Basilea en Suiza e dende onde distribue todos os medicamentos e productos biotecnoloxicos que produce.

O nome deste medicamento ven referido exactamente a iso, ao seu emprego. O seu nome ven da palabra grega ἡμικρανία, hemikrania, "na mitade da cabeza". Galeno foi o primeiro en utilizar o termo hemikrania que foi evolucionando ata converterse en migraña.Galeno cría que a migraña se debia ao tecido que separaba as partes do cerebro e que impedía que a dor pasara dun hemisferio ao outro.

Polo tanto o nome procede da palabra antiga para designar migrañas mais o sufixo -al que o converte en adxectivo

Torecán

É un antihistamínico que se emprega para tratar os vómitos producidos por quimioterapia, vértigos e enfermidades que afectan ao aparello vestibular. 

A procedencia do nome pode ser:

1. Debido á colocación de tres das enfermidades que pode tratar (que aparecen no prospecto) colocadas unha tras outra : to = que faria referencia a atetosis, re e ca= que fan referencia a hiperemesis grávidica e por último o "n" se engadiría para que soara mellor.
2. Referido a algo que non ten nada que ver co tratamento como fai fai con outros medicamentos.

Fotos da autora

Linguas clásicas e medicamentos: Aero-Red e Termalgin codeína

Neste artigo comentaremos os nomes de dous medicamentos, como son Aero-Red e Termalgin codeína. Nestes dous compostos pódese observar como o latín e o grego toman claramente unha enorme importancia cando se trata de poñer nomes aos produtos comercias, coa intención de que estes sexan atractivos aos posibles usuarios e tamén nalgúns casos o nome leva a identificar facilmente a utilidade do medicamento. Anteriormente utilizábanse outras linguas como o inglés pero debido ao uso estes nomes deixaron de ser orixinais e o inglés quedou anticuado; agora óptase por utilizar outras linguas como o latín e o grego.

En primeiro lugar falaremos do Aero-Red. Este medicamento utilízase para destruír burbullas de gas, facilitando a súa eliminación e aliviando as molestias que podan ocasionar, emprégase moitas veces para combater enfermidades tales como a aerofaxia, cólicos da lactancia etc. Na súa composición o compoñente principal e a simeticona. O seu nome ten unha etimoloxía moi simple que se pode deducir facilmente:

Aero- prefixo procedente do grego aero (aire). Isto indica a relación entre o medicamento e o fin para o que se utiliza que é eliminar o aire que se acumula no corpo. Esta raiz pode encontrarse en outras moitas palabras como por exemplo: aerofobia, aerosol, aeroterapia.

Red- a procedencia desta parte do nome do medicamento débese simplemente á palabra que en inglés se refire ao color do envase . 

O outro medicamento do que imos falar e o denominado  Termalgin codeína. Utilízase para tratar dores moderados ou fortes e tamén para a redución da febre, emprégase moitas veces para tratar enfermidades como por exemplo gripes, catarros etc.  Na súa composición destaca sobretodo a codeína pero tamén a presenza de paracetamol. Agora veremos a etimoloxía deste nome:

Term- prefixo procedente do grego antigo thermos (quente). Indica a relación do nome e a súa utilización para reducir a febre. Esta raiz pode encontrarse en outras moitas palabras como por exemplo: termómetro, termal, termoterapia.

alg- esta parte do nome ven referida á etimoloxía da palabra algia (dor) procedente do grego. Indica a relación entre o nome e a súa finalidade que é aliviar as dores fortes. Este sufixo tamén está presente noutras palabras como poden ser: lumbalxia, neuralxia, otalgia.
-in (-ina) sufijo diminutivo, usado habitualmente como terminación de nombres de medicamentos.

codeína a última parte do nome simplemente expresa cal é o seu principal compoñente.

Linguas clásicas e medicamentos: Tromalyt

Neste artigo vou falar sobre o Tromalyt, un fármaco que se toma en cápsulas e que serve para evitar a coagulación do sangue. Eu creo que todas as persoas con problemas de corazón teñen que tomalo, xa que evita os infartos.


Trom-: Ven da palabra "trombo" [thromb(o)- θρόμβος gr. 'coágulo' + -ō-sis gr. 'proceso patolóxico']. Como ben se ve na súa etimoloxía, significa coágulo. Outras palabras poden ser trombose, trombocito e tromboflebite.
Alyt-: é un sufixo sen significado particular pero que indica algo tecnolóxico ou científico pola presenza da -y- e a finalización en consoante. Curiosamente, esta "palabriña" utilízana os norteamericanos ou ingleses para indicar que "está todo ben" nas mensaxes de texto, porque é a abreviación de all right.

http://goo.gl/rSq2Iq

Linguas clásicas e medicamentos: Ventolín

http://goo.gl/FSgxrK

O Ventolín é un dos medicamentos que teñen a diario compañeiros meus asmáticos, e que lles salva en momentos de crise. É un inhalador que contén osíxeno e que nos momentos de fatiga ou no que lles falta o ar meten a boquilla na boca e presionan un botón que lles proporciona a dose de osíxeno que necesitan. Recopilando información para facer este post descubrín que hay unhas criaturas chamadas ''Los ventolines'' que son espíritus do aire que axudan a poboación da costa cántabra, e que se encontran nas tradicións cántabra e asturiana. Dito isto, vamos falar dos elementos lingüisticos foron elixidos para o nome de este medicamento.

• Vento-, que ven do latín uentu(m) que significa viento o que para o meu parecer está moi ben xa que este medicamento do que se trata e de dar osíxeno e o interpretan como vento xa que sae a presión.
• -l- é un infixo 
• -in, é unha terminación de diminutivo moi popular na formación de nomes de medicamentos -in/-ina.

Aroa Maneiro @aroamaneiro17

Linguas clásicas e medicamentos: Flutox

http://goo.gl/79vXQg

O Flutox é un dos medicamentos máis coñecidos dende a nosa infancia ata o día de hoxe. É recetado para a irritación de gorxa producida pola tos, de ahí o seu nome. É ademáis caracterizado por ser o único xarabe que sabe ben, de feito estou dacordo con esa afirmación, recordo que de pequena ás veces o collía sen estar enferma e tomaba unha cullerada de xarabe polo seu sabor doce.
Actualmente este medicamento esta comercializado por Pharmazoam que a súa vez está dentro do grupo Zambon.
A continuación vamos ver os elementos lingisticos que foron elixidos para formar o nome de este xarabe, curto e pegadizo:

• Flu-, ven do latín flue(re) que significa fluír. Referido a que é un líquido que flue pola gorxa aliviando a dor.
• -tox, é a palabra tos alterada seguindo o típico recurso de empregar letras tales como x, y, o, z para completar o nome e a súa vez que sexa pegadizo. Outros exemplos claros que utilizan este recurso son o Clamoxyl, Xanax, etc. 

Aroa Maneiro @aroamaneiro17

Linguas clásicas e medicamentos: Ocuflur e Adolonta.

Os medicamentos elexidos por min son Ocuflur e Adolonta. 

Vamos comezar polo Ocuflur: 
É un colirio que serve para calmar a irritación dos ollos. Tamén se pode usar cando estás sendo operado de cataratas. 

A súa etimoloxía é a seguinte: 

-Ocu: Do latín "oculu", alude a ollo. Esta raíz tamén la podes encontrar nas palabras ocular o inocular.

-Flur: Alude ao compoñente flurbiprofeno da súa composición.

http://goo.gl/65wD5N

O outro medicamento é o Adolonta: 

É un medicamento que calma a dor. Actúa reducindo os efectos das endorfinas que se encontran no cerebro e na columna vertebral. Este medicamento mestúrase cos receptores opiáceos do cerebro e bloquea a transmisión de estímulos da dor. 
O nome real deste medicamento é Tramadol, pero Adolonta é un nome comercial como tamén o pode ser Tradonal, Zytram, etc. 

A súa etimoloxía é a seguinte: 

Esta palabra non contén raíz latina, pero polo seu nome e a súa función, parece que contén a palabra dolor, que ven da raíz latina ''del-2'' que significa alisar, pulir, cortar. Contén o prefixo grego privativo a- = sen dor. O sufixo -nta, non aporta particularmente significado pero finaliza a palabra dun xeito que soa a clásico e a científico.

http://goo.gl/WRTtLz

                                                                            

Linguas clásicas e medicamentos: Oftalmotrim

Este medicamento, oftalmotrim, é un antibiótico oftálmico, recomendable para tratar a conxuntivite e outras enfermidades similares. É unha disolución acuosa formada principalmemte pola Poliximina B e a Trimetoprima (en menor medida). Aplícase suministrando unhas gotas desta disolución no interior do ollo. Este antibacteriano foi creado polo laboratorio Alcon Cusi S.A., e sacado ao mercado no ano 1986. Botemos un pequeno vistazo as súas raíces etimolóxicas:
Dunha banda, temos a raíz, oftalmo (ophthalm(o)- ὀφθαλμός grego), que fai referencia ao ollo e a todo o relativo a él. Esta raíz grega podemos atopala en palabras como oftalmia (inflamación dos ollos), oftalmoloxía (parte da patoloxía que estuda as enfermidades dos ollos), e oftalmólogo/a (especialista na oftalmoloxía, popularmente coñecido como oculista).
E pola outra banda temo Trim, que provén do composto trimetoprima, un antibiótico bacteriostático derivado da trimetoxibenzilpirimidina, cun uso maioritario na cura de infeccións urinarias.

Linguas clásicas e medicamentos: Auxina, Augmentine e Torecan

Con este post pretendo achegarvos a descubrir a importancia que teñen as linguas clásicas no día a día. Probablemente usaches algún destes medicamentos algunha vez, agora saberás de onde ven o seu nome.

Auxina e Augmentine

Foto: http://goo.gl/BT2IB8

A Auxina aportanos vitamina A+E, polo que o seu principio activo é ditas vitaminas, tamén a atopamos con só vitamina A ou só vitamina E. Nos dous medicamentos atopamos a raíz indoeuropea -aug significando "aumentar, incrementar". Outras palabras con ista mesma raíz son, por exemplo: augurio, agüero, autor.
No caso da Auxina -aug evoluciona ata converterse en -aux, probablemente porque o "x" é máis chamativo para nomear o medicamento.
O sufixo "-ina", tomado do latín "-inus" é usado en numerosas sustancias, incluída "vitamina", polo que o nome podería significar "Aumento de vitamina".

Foto: http://goo.gl/quZgAF

No caso do Augmentine, é un antibiótico usado para a infección das vías respiratorias e urinarias e incluso en enfermidades na pel ou nos ósos, este medicamento ten como principio activo Amoxicilina (que pode perder efecto dado que as bacterias vólvense inmunes) e Ácido clavulánico que impide que o proceso anterior ocorra . É producido por Glaxo Wellcome Production.
Neste caso contiuamos coa mesma raíz -aug, na forma do sustantivo latino augmentum "aumento, incremento". "-tine" é un sufixo na lingua inglesa, como podemos observar nalgunhas palabras como: clandestine, guillotine ou nicotine.
Penso que o nome pode facer referencia ao efecto entre os principios activos "aumentando" as defensas do organismo e permitíndolle combater ás infeccións.



Torecan
É un medicamento producido por Novartis usado en enfermidades respiratorias ou relacionadas co oído: Vértigo, Síndrome de Ménière... O principio activo é a tietilperazina.
Probablemente 'tore-' veña de 'torno', que proveñe de tornus en latín, podendo facer referencia ao movemento circular propio o vértigo. Tamén podemos atopalo en palabras como: tour, trastorno, turismo...

Foto: http://goo.gl/XZ6UpO

Linguas clásicas e medicamentos: Dermofix e Diazepam

O primeiro medicamento do que elexín falar é o Dermofix. O Dermofix é un antimicótico dotado dunha potente actividade fungicida, cun amplo espectro, no que se inclúen dermatofitos coma o Trichophyton, Epidermophyton e o Microsporum, hongos, filamentos oportunistas e Pityrosporum, así como outros axentes causantes e acompañantes de infeccións de pel e mucosas.

"Dermo" provén da palabra dermis, [der-m(ato)- δέρ-μα/-ματος gr. 'piel' + -is/-id(a) gr. 'elemento anatómico']. Esta raíz podemos atopala tamén en palabras coma dermatoma, endodermis, epidermis, etc. Probablemente elixirían este termo polo uso aplicado á pel do medicamento.O sufixo "fix" significa en inglés arranxar ou reparar algo, neste caso unha infección da pel.

A continuación, vou falarvos do Diazepam. É un fármaco derivado da benzodiazepina con propiedades ansiolíticas, miorrelaxantes, anticonvulsivantes, e sedantes. O Diazepam utilízase para tratar estados de ansiedade e está considerada como a benzodiazepina máis efectiva para o tratamento de espasmos musculares. O seu nome comercial é Valium.

Esta palabra, "Valium", relaciónase con "equilibrium" e transmite sensación de serenidade.

O Diazepam, pode chegar a axudar ás persoas moito más do que todos creemos, coma nos videoxogos da franquicia Metal Gear Solid, onde o protagonista toma Diazepam para calmar o pulso e así apuntar con máis precisión á hora de usar o rifle de francotirador. Pero tamén pode custarnos moi caro, coma ao ex-baterista da banda Avenged Sevenfold, The Rev, que sufriu unha grave intoxicación por varios medicamentos, entre eles o Diazepam, o cal provocoulle a morte. Así que xa sabedes, anderse con ollo.

Linguas clásicas e medicamentos: "Mayesta"

Este medicamento, mayesta, componse de cápsulas brandas para mellorar os problemas de acné nos adolescentes. Está formado principalmente por Isotretinoína, Aceite soja hidrogenado e glicerol, entre outros. Foi sacado al mercado por Bama-Geve, S.L.U.

Este tratamento consiste en tomar a cantidade de cápsulas correspondentes polo peso da persona, e, una vez inxeridas, o tratamento remátase e os efectos son permanentes. É un tratamento extremadamente invasivo, produce sequedade por todo o corpo e o pelo e, ademais, hai risgo de causar trastornos psicolóxicos, depresión, intentos de suicidio, etc. aunque iso dase en casos moi raros.

É un medicamento moi recomendable, últimamente és moi recetado polos dermatólogos, eu, por exemplo, acabo de rematar co tratamento, e encóntrome encantada cos resultados, xa que en seis meses a miña pel cambiou moito.

Como raíz etimolóxica puiden encontrar maiestas, que é relativo á grandeza, á realeza, aunque tamén usábase para expresar a grandeza moral das persoas do pobo. A miña teoría é que é un nome completamente comercial, xa que o término maiestas non ten nada que ver coa pel, e substituíron la i latina por la y grega. Con esta raíz, maiestas, encontramos palabras como maxestade, magnificencia, magnífico.

Linguas Clásicas e Medicamentos: "Silvederma" e "Aero-Red"

Cando Fernando, o noso profesor de latín, propuxo facer este traballo, pareceume un proxecto realmente interesante. Algo tan simple e familiar como un medicamento. Quen non ten un medicamento na casa? 

O que me pareceu realmente extraño e que nunca me detivera a pensar foi a procedendia dos seus nomes. Sorprendeume o abundante uso das linguas clásicas para a elección dun nome sinxelo, pegadizo, pronunciable en varias linguas, e sobre todo, eficaz.

A continuación comentareivos algunhas cousas de dous medicamentos con bastante sona: Silvederma e Aero-Red.

S I L V E D E R M A 

Silvederma é unha crema que se usa para o tratamento e prevencción de infeccións en queimaduras de segundo e terceiro grado, así como en úlceras varicosas e de cúbito. Esta crema contén sulfadiazina de prata, que é un antibiótico do grupo das sulfamidas (medicamento útil para o tratamento de infeccións).

Pertence ao laboratiorio Aldo-Unio, que foi o primeiro laboratorio farmacéutico (a nivel mundial) en comercializar dita sulfadiazina de prata mediante cremas (Silvederma crema), e mediante sprays (Silvederma spray).

Como non podería ser doutra maneira, neste medicamento tan recoñecido e tan común están presentes as linguas clásicas, concretamente o grego. Observemos os elementos lingüísticos que elixiron os responsables que diron nome a esta importante crema:

•  der-m(ato) δέρ-μα/-ματος gr. 'pel'. Elixen referirse a parte do corpo en cuestión, á pel, utilizando a raíz grega, lingua científica por excelencia (xunto co latín). Esta raíz a podemos topar en palabras como equinodermo, esclerodermia, dermatoloxía, etc.

• "Silve". Nesta ocasión, os creadores optan por acudir a unha lingua extranxeira moi internacional, o inglés. Céntranse na sulfadiazina de prata; concretamente en prata, e a traducen. Silver e prata en inglés. O motivo de elidir o "r" é simplemente, por unha cuestión de fonética.

A modo de anécdota e para finalizar, contareivos que Silvederma pode chegar a poñerse negra. Isto débese a que a sulfadiazina de prata ao poñerse en contacto co aire, torna de color. Por iso, é aconsellable tapar a pomada, cunha pequena gasa, por exemplo.

Imaxe: goo.gl/wkFGFR

A E R O - R E D 

Aero-Red é un comprimido masticable que pertence ao grupo de fármacos denominados antiácidos ou antiflatulentos. O hidróxido magnésico e o carbonato cálcico  son antiácidos que actúan neutralizando o exceso de ácido no estómago. O seu compoñente principal é a simeticona, que é un antiflatulento que actúa sobre a presencia excesiva de gases no tracto gastrointestinal facilitando a súa eliminación. Este medicamento ten páxina web propia, se queredes acceder a ela para ampliar información, clicade aquí.

Como xa fixen no medicamento anterior, agora procederei a analizar lingüísticamente os elementos do nome, un recurso comercial que inflúe moitísimo. Ás veces, non só se trata do producto de boa calidade, senón de algo tan sinxelo como o nome, ou outras cuestións, como a publicidade.

•  Os responsables de asignar o nome, utilizan a raíz grega āerο- ἀήρ/ἀέρος gr. (sust.), 'aire', para referirse aos gases, concretamente, ás flatulencias. Esta raíz grega é moi utilizada, por exemplo en neoloxismos como: aerobio, aerocisto, microaerófilo, etc.

• Igual que pasa na Silvederma, volven a recurrir a o famoso idioma, o inglés. E collen algo simple, sen complicacións, unha cor: a vermella (red é vermello en inglés). Gustaríame explicarvos o porqué da elección desta cor e non doutra, pero, malia o meu interese e a miña busca intensiva, non encontrei un motivo. Deduzo ou podo chegar a pensar, que é unha cor relacionada con esas situacións de agobio, nas que te atopas ao ter gases, por exemplo. Pero non o afirmo. Pensen vostedes e saquen conclusións.

Imaxe: goo.gl/xlZ3iK

Pola miña parte, non teño nada máis que engadir. Soamente agradecervos a lectura do meu primeiro post nun blog. Espero que vos fora de axuda e vos parecera interesantes algunha das cousas que escribín. Déixovos o meu twitter e se queredes, xa sabedes... seguídeme!

@AlbaSuarezFraga / Alba Suárez Fraga 4º ESO - B